FRIDERICUS Joachimus

I.

Joachimus FRIDERICUS

fil. minor Georgii Brigensis lineae auctoris, ex Barbara Brandeburgica filia Ioachimi II Electoris ducta A. C. 1545. exstincta A. C. 1595 genitus A. C. 1550. studiis tinctus, in aula Brandeburgica, 7. annis vixit, et Electoris ad coronationem Poloniae Regis legatus fuit, A. C. 1574. In Religionis negotio, dissidia publico interdicto vetuit et paulatim ad Reformatos deflexit. Olaviae et post matrem Briegae habitavit. tum Praepositus Magdeburgicus atqueve in re militari Silesiae Generalis fuit. Ad eundem, morte agnati Friderici IV. de quo supra, rediit Lignicius Principatus, quem per Wenceslaum Zedlizium Capitaneum administravit: Utrumqueve tandem Ducatum, morte suâ, quae contigit A. C. 1602. ad filios, Annâ Mariâ Anhaltinâ filiâ Ioachimi Ernesti Principis, ductâ A. C. 1577. exstinctâ A. C. 1605. matre natos (qui sorores habuêre, Barbaram Agnetam Ioh. Ulrici B. Schafgotschii coniugem et Mariam Sophiam virginem) Georgium Rudolphum et Ioh. Christianum transmisit etc. Vide Phil. Iac. Spener. in hac Fam. Ex Fam. Nassovica.

II.

Joachimus FRIDERICUS

vide Ioachimus.